Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 350 Hüküm no: 544 Orijinal metin no: [54a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud Beşe’nin karzdan yirmi guruş alacağı olduğu iddiasıyla Ahmed Beşe aleyhine açtığı davada iddiasını ispat edemediği Mahmud Beşe b. Mehmed nâm kimesne Galata Bâb Mahkemesi’nde meclis-i şer‘de Ahmed Beşe b. Mustafa nâm kimesne muvâcehesinde mezbûr Ahmed Beşe zimmetinde cihet-i karzdan yirmi guruş alacak hakkım olmağla hâlâ taleb ederim deyü da‘vâ eyledikde ol dahi cevâbında benim gāib ani’l-meclis Süleyman zimmetinde cihet-i mezkûreden alacak hakkım olan yirmi guruşu ahz u kabza ve bana teslîme tarafımdan müdde‘î-i mezbûr Mahmud Beşe’yi emr ve tevkîl etmişidim ol dahi meblağ-ı mezkûr yirmi guruşu emrimle gāib-i mezbûrdan ahz ve bana teslîm etmişdi deyü ba‘de’d-def‘ ve’l-inkâr dâfi‘-i mezbûr Ahmed Beşe def‘-i mezkûrunu lede’t-tezkiye makbûlü’ş-şehâde idükleri ihbâr olunan Hüseyin b. Yahya ve Mehmed Tahir b. Hasan nâm kimesneler şehâdetleriyle müdde‘î-i mezbûr Mahmud Beşe muvâcehesinde vech-i şer‘î üzere isbât etmeğin mûcebince müdde‘î-i mezbûr Mahmud Beşe meblağ-ı merkūm yirmi guruş mütâlebesiyle mezbûr Ahmed Beşe’ye bî-vech mu‘ârazadan men‘ olunduğu bi[‘l]-iltimâs huzûr-ı âlîlerine i‘lâm olundu. Fî 27 Za sene 1221.