Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 355 Hüküm no: 556 Orijinal metin no: [55a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neccar kalfası Yorgi’nin neccarlık ücretinden alacağı olduğu iddiasıyla Kürkçü Nikoli aleyhine açtığı davada iddiasını ispat edemediği Neccâr kalfalarından Yorgi v. Kiryako nâm zimmî Galata Bâb Mahkemesi’nde meclis-i şer‘de Kürkçü Nikoli v. Hıristo nâm zimmî muvâcehesinde ben mersûm Nikoli zimmînin mahmiye-i İstanbul’da Kadırga nâm mahalde vâki‘ menzilinin binâsına yevmî üçer guruş ücret tesmiyesiyle otuz gün kendiye eylediği neccârlık ücretinden doksan guruş ve cihet-i karzdan yedi guruş ki cem‘an zimmetinde doksan yedi guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsını isbât için isre’l-istimhâl ve’l-imhâl bi’d-defa‘ât müddet-i mehl-i şer‘î mürûr edip bir vechile müdde‘âsını isbâta kādir olmayıp tâlib-i tahlîf dahi olmamağın mûcebince müdde‘î- i mersûm Yorgi zimmî da‘vâ-yı mezkûresiyle mersûm Nikoli zimmîye bilâ-beyyine mu‘ârazadan men‘ olunduğu huzûr-ı âlîlerine i‘lâm [olundu.] Fî 9 Z sene 1221.