Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 356 Hüküm no: 558 Orijinal metin no: [55b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neccar kalfası Andon’un Yamandi’de olan alacağını vermesi için ortağı Sakızlı Kostantin aleyhine açtığı davanın meşru olmadığı Neccâr kalfalarından Andon v. İstemat zimmî Galata’da mahfil-i kazâda Sakızlı Kostantin v. Kosti zimmî muvâcehesinde ben bundan akdem merkūmun şerîki gāib ani’l-meclis Yamandi zimmî zimmetinde ücret-i neccâriyeden alacağım olan kırk beş guruşu şerîki gāib-i mesfûrdan da‘vâ eylediğimde ol dahi inkâr-birle ben müdde‘âmı ol hinde bir vechile isbâta kādir olmamışidim el-hâletü hâzihî müdde‘âma beyyinelerim mevcûd mücerred mersûm Kostantin gāib-i mesfûrun şerîki olmağla muvâcehesinde isbât murâdımdır deyü tasaddî eylediği da‘vâsına iltifât olunmayıp gāib-i mersûm huzûruna tevkīf iktizâ eylediği bi[‘l]-iltimâs [huzûr-ı âlîlerine i‘lâm olundu.] Fî 9 Z sene 1221.