Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 356 Hüküm no: 559 Orijinal metin no: [55b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tuğlacı Hıristo ile Şerbetçi Artin birbirleri aleyhine açtıkları darb ve tazir davalarından vazgeçtikleri ve birbirlerinin zimmetlerini ibra ettikleri Tuğlacı Hıristo v. Sahak nâm zimmî Galata’da mahfil-i kazâda Şerbetçi Artin v. Kigork nâm zimmî muvâcehesinde mersûm Artin zimmî Galata’da Sultan Bayezid Mahallesi’nde vâki‘ müceddeden binâ eylediği menzili derûnunda bi-gayr-ı vechin beni çekiç ile darbetmekle mûcib-i şer‘îsini taleb ederim deyü da‘vâ ettikde mersûm Artin zimmî dahi müdde‘î-i mersûm Hıristo zimmî ta‘zîri mûcib lafzla bi’l-muvâcehe bana şetm etmekle mûcib-i şer‘îsini taleb ederim deyü da‘vâ ettikde ve herbiri âharın müdde‘âsını inkâr-birle herbiri tasaddî eyledikleri da‘vâlarından meccânen fâriğler olup husûs-ı mezkûreye müte‘allika âmme-i da‘vâdan herbiri âharın zimmetini kabûlü hâvî ibrâ ve iskāt eyleyip kat‘-ı münâza‘a eyledikleri tescîl bi’t-temessük huzûr-ı âlîlerine i‘lâm olundu. Fî-Zilhicce sene 1221.