Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 363 Hüküm no: 573 Orijinal metin no: [57a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Oturakçı Abdullah b. Mehmed’in sattığı ferâce bedelinden Fâtıma bt. İbrahim’den elli guruş alacağı olduğu Derûn-ı arzuhâlde mezkûrü’l-ism Oturakçı [Abdullah] b. Mehmed nâm kimesne Galata’da mahfil-i kazâda mahmiye-i İstanbul’da Ayvansaray’da mütemekkin olup şahsı mu‘arrefe sâhibe-i arzuhâl Fâtıma bt. İbrahim nâm Kıbtiye muvâcehesinde mezbûre Fâtıma bundan akdem yedimden ve mâlımdan iştirâ ve kabz eyledi[ği] kırmızı çuka ferâce semeninden altmış üç guruşdan bâkī elli guruş alacak hakkım olmağla hâlâ taleb ederim deyü da‘vâ eyledikde ol dahi cevâbında meblağ-ı bâkī-i mezkûr elli guruşdan ancak on üç guruşu zimmetinde deyni olduğunu ikrâr ziyâde otuz yedi guruşu ceste ceste kendiye edâ ve teslîm etmişidim deyü eylediği def‘ini isbâta kādir olmayıp bi’t-taleb mezbûr Abdullah ba‘de’t-tahlîfü’ş-şer‘î mûcebince meblağ-ı bâkī-i mezkûr elli guruş müdde‘î-i mezbûr Abdullah ba‘de’t-tahlîfü’ş-şer‘î mûcebince meblağ-ı bâkī-i mezkûr elli guruş müdde‘î-i mezbûr Abdullah’a edâya Fâtıma’ya tenbîh olunduğu bi[‘l]-iltimâs huzûr-ı âlîlerine i‘lâm olundu. Fî 9 M sene 1222.