Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 362 Hüküm no: 572 Orijinal metin no: [57a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mustafa Çelebi’nin emanet verdiği siyah aba kıymetinden Seyyid Mustafa’dan on beş guruş alacağı olduğu Galata’da sâkin es-Seyyid Mustafa Çelebi b. Halil nâm kimesne Galata Bâb Mahkemesi’nde meclis-i şer‘de diğer es-Seyyid Mustafa b. es-Seyyid İbrahim nâm kimesne muvâcehesinde ben bundan akdem mezbûr diğer Mustafa Çelebi yedine îdâ‘ ve teslîm eylediğim mâlımdan on beş guruş kıymetli bir siyah abamı bi-gayr-ı vechin iznimsiz gāib ani’l-meclis Ali nâm kimesneye verip ol dahi istihlâk etmekle kıymet-i mezkûresi olan on beş guruşu mezbûr diğer es-Seyyid Mustafa Çelebi’den tazmîn taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr on beş guruşu müdde‘î-i mezbûr es-Seyyid Mustafa Çelebi’ye bi-tarîkı’d-damân edâ ve teslîme mezbûr diğer es-Seyyid Mustafa Çelebi’ye tenbîh olunduğu bi[‘l]-iltimâs huzûr-ı âlîlerine i‘lâm olundu. Fî 2 M sene 1222.