Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 364 Hüküm no: 575 Orijinal metin no: [57a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tâcir Mehmed Emin Ağa’nın kaşkaval peyniri bedelinden Tâcir Mustafa’dan altmış dört guruş alacağı olduğu Tüccârdan Mehmed Emin Ağa b. el-Hâc Hüseyin nâm kimesne Galata Bâb Mahkemesi’nde meclis-i şer‘de tüccârdan Mustafa b. Mustafa nâm kimesne muvâcehesinde mezbûr Mustafa zimmetinde bundan akdem yedimden ve mâlımdan iştirâ ve kabz eylediği vezn ve fiyatı beynimizde ma‘lûm kaşkaval peyniri semeninden üç yüz yirmi yedi guruşdan bâkī altmış dört guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı bâkī-i merkūm altmış dört guruşun müdde‘î-i mezbûr Mehmed Emin Ağa’ya edâsıyla mezbûr Mustafa ilzâm olunduğu bi[‘l]-iltimâs [huzûr-ı âlîlerine i‘lâm olundu.] Fî 6 M sene 1222.