Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 364 Hüküm no: 576 Orijinal metin no: [57a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kürkçü Todori v. Dimo’nun karzdan Meyrem bt. Zakar’dan yüz on guruş alacağı olduğu Sâhib-i arzuhâl Kürkçü Todori v. Dimo nâm zimmî Galata Bâb Mahkemesi’nde meclis-i şer‘de derûn-ı arzuhâlde mersûmetü’l-ism mu‘arrefetü’ş-şahs Meyrem bt. Zakar nâm Nasrâniye muvâcehesinde mersûm Meyrem Nasrâniye zimmetinde cihet-i karzdan yüz on guruş alacak hakkım olmağla hâlâ taleb ederim deyü da‘vâ eyledikde ol dahi ber-vech-i muharrer tav‘an ikrâr u i‘tirâf etmeğin mûcebince meblağ-ı mezkûr yüz on guruşu müdde‘î-i mersûm Todori zimmîye edâsıyla mersûme Meyrem Nasrâniye ilzâm olunduğu mübâşirleri İsmail Çavuş kulları yediyle bi[‘l]-iltimâs huzûr-ı âlîlerine i‘lâm olundu. Fî 7 M sene 1222.