Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 365 Hüküm no: 578 Orijinal metin no: [57b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agop v. İstefan’ın karzdan Berber Serkiz v. Şehnaz’dan yedi yüz guruş alacağı olduğu Arzuhâl eden Agop v. İstefan nâm zimmî Galata Bâb Mahkemesi’nde meclis-i şer‘de derûn-ı arzuhâlde mersûmü’l-ism Berber Serkiz v. Şehnaz nâm zimmî muvâcehesinde mersûm Serkiz zimmî zimmetinde bâ-temessük cihet-i karzdan yedi yüz guruş alacak hakkım olmağla hâlâ taleb ederim deyü da‘vâ eyledikde ol dahi cevâbında ber-vech-i muharrer ikrâr lâkin meblağ-ı mezkûrun iki yüz altmış beş guruşunu ceste ceste kendiye edâ ve teslîm etmişidim deyü mikdâr-ı mezkûrda def‘ini isbâta kādir olmayıp bi’t-taleb müdde‘î-i mersûm Agop zimmî ba‘de’t-tahlîfü’ş-şer‘î mûcebince meblağ-ı mezkûr yedi yüz guruşun müdde‘î-i mersûm Agop zimmîye edâsıyla mersûm Serkiz zimmî ilzâm olunduğu mübâşirleri es-Seyyid Abdullah Çavuş kulları yediyle huzûr-ı âlîlerine i‘lâm olundu. Fî 11 M sene 1222.