Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 365 Hüküm no: 579 Orijinal metin no: [57b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pandeli v. İstemat’ın francala bedelinden İsak v. Samayel’den ikrarı üzere on bir guruş alacağı olduğu, ziyade iddiasını ispat edemediği Francalacı Pandeli v. İstemat zimmî Galata’da mahfil-i kazâda İsak v. Samayel Yahûdi muvâcehesinde mersûm İsak zimmetinde ma‘lûmü’l-vezn francala semeninden yirmi dört guruş yirmi dört para alacak hakkım olmağla hâlâ taleb ederim deyü da‘vâ eyledikde ol dahi cevâbında cihet-i merkūmeden müdde‘î-i mesfûra on bir guruş deyni olduğunu ikrâr mâ‘adâyı ba‘de’l-inkâr müdde‘î-i mersûm ziyâde müdde‘âsına ikāmet-i beyyine edemeyip bi’t-taleb Yahûdi-i mersûm ba‘de’t-tahlîfü’ş-şer‘î mûcebince müdde‘î-i mersûm Pandeli ziyâde müdde‘âsıyla bilâ-beyyine mu‘ârazadan ba‘de’l-men‘ mersûm İsak Yahûdi’nin ikrârıyla lâzım gelen on bir guruşun müdde‘î-i mesfûr Pandeli zimmîye edâsıyla mersûm İsak Yahûdi ilzâm olundu. Fî 3 M sene 1222.