Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 373 Hüküm no: 597 Orijinal metin no: [59a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abacı Terzisi Mehmed Beşe’nin elbise bedelinden Mehmed Beşe b. Osman’dan yirmi dört guruş alacağı olduğu Abacı derzilerinden Mehmed Beşe b. Süleyman nâm kimesne Galata Bâb Mahkemesi’nde meclis-i şer‘de ve diğer Mehmed Beşe b. Osman nâm kimesne muvâcehesinde mezbûr diğer Mehmed Beşe zimmetinde esvâb-ı ma‘lûme semeninden alacak hakkım olan kırk beş guruşun yirmi bir guruşunu mezbûr diğer Mehmed Beşe’ye menzil icâresinden zimmetimde deynim olan yirmi bir guruşa bi’t-terâzî ba‘de’t-takās ve’l-mahsûb bâkī kalan yirmi dört guruşu mezbûr diğer Mehmed Beşe’den taleb ederim deyü da‘vâ ettikde ol dahi cevâbında ber-vech-i muharrer ikrâr u i‘tirâf etmeğin alâ-mûcibi ikrârihi meblağ-ı bâkī-i mezkûr yirmi dört guruşun müdde‘î-i mezbûr Mehmed Beşe’ye edâsıyla merkūm diğer Mehmed Beşe iltizâm olunduğu bi[‘l]-iltimâs huzûr-ı âlîlerine i‘lâm olundu. Fî 20 M sene 1222.