Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 374 Hüküm no: 598 Orijinal metin no: [59a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Armiye v. Aleksan’ın karzdan alacağı olduğu iddiasıyla Anparsom v. Bogos aleyhine açtığı davada iddiasını ispat edemediği Galata’da mütemekkin Armiya v. Aleksan nâm zimmî Galata Bâb Mahkemesi’nde meclis-i şer‘de Anparsom v. Bogos nâm zimmî muvâcehesinde mezbûr Anparsom zimmî zimmetinde cihet-i karzdan yirmi guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i mersûm ber-vech-i muharrer müdde‘âsına ikāmet-i beyyine edemeyip bi’t-taleb mersûm Anparsom zimmî ba‘de’t-tahlîfü’ş-şer‘î mûcebince müdde‘î-i mesfûr Armiya zimmî meblağ-ı mezkûre yirmi guruş mütâlebesiyle mersûm Anparsom zimmîye bî-vech mu‘ârazadan men‘ olunduğu bi[‘l]-iltimâs [huzûr-ı âlîlerine i‘lâm olundu.] Fî 20 M sene 1222.