Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 375 Hüküm no: 602 Orijinal metin no: [59b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sabuncu Yuvan’ın pirinç ve sabun bedelinden Nikola v. Şivetko’dan on beş guruş sekiz para alacağı olduğu Mahmiye-i İstanbul’da mütemekkin Sabuncu Yuvan v. Andon nâm zimmî Galata Bâb Mahkemesi’nde meclis-i şer‘de Galata’da mütemekkin Nikola v. Şivetko nâm zimmî muvâcehesinde mersûm zimmetinde vezn ve fiyatı beynimizde ma‘lûm pirinç ve sabun semeninden on beş guruş sekiz para alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsına ikāmet-i beyyine edemeyip bi’t-taleb mersûm Nikola zimmîye yemîn teklîf olundukda ol dahi yemînden nükûl etmeğin mûcebince meblağ-ı mezkûr on beş guruş sekiz parayı müdde‘î-i mersûm Yuvan zimmîye edâya mersûm Nikola zimmîye tenbîh olunduğu bi[‘l]-iltimâs [huzûr-ı âlîlerine i‘lâm olundu.] Fî 19 M sene 1222.