Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 378 Hüküm no: 606 Orijinal metin no: [60a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin mellâhlık ücretinden alacağı olduğu iddiasıyla Süleyman Reis aleyhine açtığı davada iddiasını ispat edemediği Mehmed Beşe b. Halil nâm kimesne Galata’da mahfil-i kazâda sefîne reislerinden Süleyman Reis b. Osman nâm kimesne muvâcehesinde ben bundan akdem mezbûr Süleyman Reis’in talebiyle sefînesinde beher gün ellişer para ücret tesmiyesiyle kırk günde eylediğim mellâhlık hizmetimin ücret-i müsemmâ-yı mezkûremden müctemi‘ elli guruş zimmetinde kalmağla hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsına ikāmet-i beyyine edemeyip bi’t-taleb mezbûr Süleyman Reis tahlîf olunmağın mûcebince müdde‘î-i mezbûr da‘vâ-yı mezkûresiyle bilâ-beyyine mu‘ârazadan men‘ olunduğu bi[‘l]-iltimâs huzûr-ı âlîlerine i‘lâm olundu. Fî 21 M sene 1222.