Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 380 Hüküm no: 611 Orijinal metin no: [60a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yağcı Niko v. Baksos’un zeytin yağı bedelinden Yako v. Samuyel’den kırk yedi guruş alacağı olduğu Mahmiye-i İstanbul’da mütemekkin Yağcı Niko v. Baksos nâm zimmî Galata Bâb Mahkemesi’nde meclis-i şer‘de Galata’da mütemekkin Yako v. Samuyel nâm Yahûdi muvâcehesinde mersûm Yako Yahûdi zimmetinde vezn ve fiyatı beynimizde ma‘lûm yedimden iştirâ ve kabz eylediği revgan-ı zeyt semeninden elli dokuz guruşdan bâkī kırk yedi guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr kırk yedi guruşu müdde‘î-i mersûm Niko zimmîye edâ ve teslîme mersûm Yako Yahûdi’ye tenbîh olunduğu bi’l-iltimâs huzûr-ı âlîlerine i‘lâm olundu emr [li]-veliyyü[‘l-emr.] Fî 27 Muharrem sene 12222.