Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 380 Hüküm no: 612 Orijinal metin no: [60a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Arakil v. Aslan’ın has un bedelinden Francalacı Andon v. Nikola’dan dört yüz otuz iki guruş alacağı olduğu Ekmekçi Arakil v. Aslan nâm zimmî Galata Bâb Mahkemesi’nde meclis-i şer‘de Francalacı Andon v. Nikola nâm zimmî muvâcehesinde mersûm Andon zimmî zimmetinde bundan akdem yedimden ve mâlımdan iştirâ ve kabz eylediği vezn ve fiyatı beynimizde ma‘lûm dakīk-i hâs semenlerinden dört yüz otuz iki guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı merkūm dört yüz otuz iki guruşun müdde‘î-i mesfûr Arakil zimmîye edâsıyla mersûm Andon zimmî ilzâm olunduğu huzûr-ı âlîlerine i‘lâm olundu el-emr li-men [lehü’l-emr.] Fî 27 Muharremi’l-harâm sene 1222.