Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 382 Hüküm no: 615 Orijinal metin no: [60b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Teberdar Ali Ağa’nın Rukiye Hanım’a vermesi için teslim ettiği parayı vermediği iddiasıyla Şerife Hadice Hatun aleyhine açtığı davada iddiasını ispat edemediği Teberdâr Ali Ağa b. Veliyüddin nâm kimesne Galata Bâb Mahkemesi’nde meclis-i şer‘de Galata hâricinde Muhyiddin Efendi Mahallesi’nden sâkine mu‘arrefetü’z-zât Şerife Hadice bt. Osman nâm hatun muvâcehesinde ben gāibe ani’l-meclis Rukiye Hanım’a karz olmak üzere ver deyü emr ve mâlımdan mezbûre Şerife Hadice Hatun yedine teslîm eylediğim üç yüz elli guruş emrim üzere gāibe-i mezbûreye vermeyip yedinde kalmağla istirdâd ederim deyü da‘vâ ettikde ol dahi cevâbında meblağ-ı mezkûr üç yüz elli guruşu müdde‘î-i mezbûrun emr-i mezkûru üzere gāibe-i mezkûreye tamamen def‘ u teslîm etmişidim deyücek mezbûre Şerife Hadice Hatun husûs-ı mezkûrda yemînle tasdîk olunur ümenâdan olmağla bi’t-taleb mezbûre Şerife Hadice hatun ba‘de’t-tahlîfü’ş-şer‘î mûcebince müdde‘î- i mezbûr Ali Ağa da‘vâ-yı mezkûresiyle mezbûre Şerife Hadice Hatun’a bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 27 M sene 1222.