Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 76 Hüküm no: 46 Orijinal metin no: [8a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Süleyman b. Murad’ın borcu olduğu Tüccâr tâifesinden el-Hâc Süleyman b. Murad nâm kimesne meclis-i şer‘-i hatîr-i lâzımü’t-tevkīrde işbu bâ‘isü’l-kitâb el-Hâc Murad b. Abdülmennan muvâcehesinde ikrâr ve takrîr-i kelâm edip mezbûr el-Hâc Murad’a târîh-i kitâb senesi Rebî‘ü’l-evveli gurresinden sene-i mezbûre Ramazan’ı gāyetine müeccel ve mev‘ûd kahve bahâsından on sekiz bin dokuz yüz akçe deynim olmağın meblağ-ı mezbûrdan beş bin dokuz yüz akçesini def‘ ve teslîm edip bâkī on üç bin akçe ecel-i mezbûr hulûlünde zimmetimde edâsı lâzım ve kazâsı vâcib deynimdir dedikde gıbbe’t-tasdîkı’ş-şer‘î mezbûr el-Hâc Süleyman’ın nefsine ve hîn-i mutâlebede meclis-i şer‘a ihzârına hâzirûn bi’l-meclis el-Hâc Ali b. Mehmed ve Abdülkerim b. Abdülcevad ve Mehmed b. el-Hâc Hayreddin [nâm] kimesneler kefîl olmağın mâ-vaka‘a kayd şüd. Fi’t-târîhi’l-mezbûr. Şuhûdü’l-hâl: Mustafa b. Ali, İbrahim Çelebi b. Davud, Rıdvan Beşe b. Abdullah, Mehmed Beşe b. ( ).