Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 74 Hüküm no: 67 Orijinal metin no: [29-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çavuş’un kızı Ayşe’den miras kalan bir dükkândaki dörtte bir hissesini satması [Hükmün baş tarafı yoktur] Sulbiye kızım Ayşe’den bi-hasebi’l-irsi’ş-şer‘î bana intikāl edüp ben dahi mezbûr Mihal’e otuz bin nakd-i râyicü’l-vakt akçeye bey‘-ı bâtt-ı sahîh-i şer‘î ile bey‘ ve teslîm, merkūm Mihal dahi iştirâ ve kabz ve tesellüm ettikden sonra semeni olan meblağ-ı mezkûr otuz bin akçeyi bi’t-tamam ve’l-kemâl mezbûr Mihal yedinden ahz u kabz eyledim. Ba‘de’l-yevm zikrolunan dükkânın rub‘ hissesi[ne] mutasarrıf olsun dedikde mukırr-ı mezbûr Mehmed Çavuş’un vech-i muharrer üzre olan ikrârını merkūm Mihal bi’l-muvâcehe tasdîk ve tahkīk edicek mâ hüve’l-vâki‘ bi’t-taleb ketb ü terkīm olundu. Hurrire fî evâhir-i şehr-i Saferü’l-hayr li-sene selâse ve hams[în ve elf]. Şuhûdü’l-hâl: Ali Efendi b. Yusuf el-müderris, Mustafa Efendi b. Yusuf, Mehmed Halîfe el-müezzin, Ramazan Çelebi b. Abdullah, Mahmud Bey b. Muhammed, Muslihiddin Subaşı b. Murad, İbrâhim Bey b. Yusuf, Abdullah Bey b. Şaban