Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 77 Hüküm no: 72 Orijinal metin no: [31-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasköy’de mumcuların kendilerinden mum almayan bakkalları şikayeti Havâss-ı aliyye kazâsına tâbi‘ Hasköy nâm karye sâkinlerinden mumcu tâifesinden ( ) nâm zimmîler meclis-i şer‘-i hatîr-i lâzımü’t-tevkīrde işbu bâ‘isü’l-kitâb bakkāl tâifesinden Yusuf b. Abdullah ve Rasûl b. Abdullah ve (…) Beşe b. Abdullah ve yine tâife-i mezbûrdan Yasef v. Mosi ve Mosi v. Or(…) ve Nasi v. Sado ve Murad v. Miyel ve Dimo v. Atanaş nâm kimesnelerin muvâcehesinde takrîr-i kelâm edüp mezbûr bakkāllar kadîmü’l-eyyâmdan beri yaz ve kış mumların eksik etmez iken şimdi mezbûr bakkāllar âhar yerden alıp satarlar deyü haber vermeğin biz dahi cânibimizden tenbîh edüp bir dahi gayrın mumun satarlar ise câbîsin (…)siyle hâkimü’l-vakt ola[n] kimse yüz deynek ve beş yüz akçe cerîm[e]lerin alıp hakları[n]dan geleler deyü tenbîh olunmağın vâki‘ hâl hıfzen li’l-makāl ketb olundu. Rebî‘ülâhir fî 2 sene [10]53. Şuhûdü’l-hâl: Ali Çelebi b. Ahmed, Dilaver Bey b. Abdullah, Yahya Çelebi b. İbrâhim, Ali b. ( ) el-Muhzır