Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 78 Hüküm no: 74 Orijinal metin no: [31-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eşinden boşanan Hatice’nin bt. Demirdaş’ın hamile olması sebebiyle nafaka tahsisi Havâss-ı aliyye kazâsına tâbi‘ Hasköy mahallâtından Pîrî Paşa mahallesinde sâkine olan Hadîce bt. Demirdaş, mahfil-i kazâya gelip takrîr-i kelâm edüp ben, mahalle-i mezbûre sükkânından Mehmed b. Nefer nâm kimesnenin zevcesi idim, târih-i kitâbdan üç ay evvel beni talâk-ı selâse ile tatlîk eylemişdir. Hâlen hamlim zuhûr edüp vaz‘-ı haml edinceyedek nafaka[ya] şiddet-i ihtiyâcım olmağın kıbel-i şer‘den nafaka takdîr olunmak taleb ederin dediğinde mezbûre«den hamli zuhûr» Hadice, merkūm [gāib] ani’l-meclis olan Mehmed’in zevce-i mutallakası olduğu ve ze[v]c-i mezbûrdan hamli zuhûr eylediği nikāb ve ahyârdan cemm-i gafîr ihbâr ile sâbit ve zâhir olup mezbûre Hadice’nin nafaka ve kisve ve sâir havâyic-i zarûriyesi içün günde üç akçe takdîr olunup ba‘dehû istidâneye izin verilüp mâ hüve’l-vâki‘ gıbbe’t-taleb ketb olundu. Tahrîren fî-evâhir-i Cumâdelûlâ li-sene selâse ve hamsîn ve elf. Şuhûdü’l-hâl: Mehmed Çelebi b. (…), Mehmed Beşe b. (…), Şaban b. Mehmed, Muslu Çelebi b. Veli, Musa b. Ali, (…) ve gayruhum [32] İntehe’l-kelâm fî-hâze’l-makām. Harrarahü’l-fakīr ileyhi sübhânehû Hasan el-müvellâ hilâfeten bi-Hasköy ufiye anhü.