Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 117 Hüküm no: 164 Orijinal metin no: [66-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ortaklıktan doğan anlaşmazlığın sulhle sonuçlandığı (…) b. Abdullah nâm kimesne mahfil-i kazâda işbu râfi‘ (…) nâm kimesne mahzarında ikrâr ve i‘tirâf, mezbûr Şükrü elli alt(…) akçe çıkarıp yirmi altı re’s sığır ve yüz sekiz fıçı? mâlı olup ortak olmuş idik. Hâlen kabz-ı mâlımız yedinden asl-ı mâlı ve fâideyi ba‘de küll-i hesâb mâ-beynimizde münâza‘ât-ı kesîre vâkı‘a olup es-sulhü seyyidü’l-ahkâm fehvâsınca amel edüp biribirimizin zimmetini ibrâ-i âm ile ibrâ eyledik ve ıskāt-ı tâm ile ıskāt edüp min-ba‘d el-yevm tarafımızdan asâleten ve vekâleten da‘vâ sâdır olursa inde’l-hükkâm mesmû‘a ve makbûle olunmaya dediklerinde mukırrân-ı mezbûrânın vech-i meşrûh üzre sâdır olan ikrârında el-mukarru lehu’l-mesfûr Şükrü bi’l-muvâcehe tasdîk ve bi’l-müşâfehe tahkīk eyledikten sonra mâ hüve’l-vâki‘ bi’t-taleb ketb olundu. Tahrîren fî-evâil-i evvel-i Rebî‘ayn li-sene ihdâ ve selâsîn ve elf. Şuhûdü’l-hâl: Mehmed Bey b Tütek?, Hovalı b. İshak, Musa b. Mehmed, Osman b. Hasan, Mehmed b. ( ) el-muhtesib ve gayruhum İntehe’l-kelâm fî-hâze’l-makām. Harrarahü’l-fakīr İbrâhim b. Ahmed ufiye anhümâ.