Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 121 Hüküm no: 170 Orijinal metin no: [69-2; Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şemse Hatun bt. Abdullah’ın Ferhad b. Abdullah’tan muhâlaa ile boşandığı Hazreti Ebâ Eyyûb el-Ensârî -aleyhi rahmeti’l-Bârî- tevâbi‘inden Hasköy mahallâtından Turşucuzâde Hüseyin Çelebi mahallesinde sâkine olan Şemse Hatun bt. Abdullah nâm hatun zevci bâ’is-i hâze’l-kitâb mahalle-i mezbûrede sâkin Ferhad b. Abdullah’dan muhâla‘a oldukda ol dahi üzerine nikâh akd edilmiş olan ve mikdârı ve nisâbı râyic fi’l-vakt beş yüz dirhem-i Osmânî akçe olan mehr-i müecceli ve devam ettiği müddet için nafaka-i iddeti ve me’ûnet-i süknâsı ile hakkındaki sâir de‘âvâ üzerine muhâla‘a-i sahîha-i şer‘iye ile muhâla‘a olup akd-i cedîd ve sayılı sadâk-ı müste’nef olmaksızın helâl olmayacak şekilde ondan bâyinen boşanmış oldu. Daha sonra her biri diğerinin zimmetini umûmen bütün da‘vâ ve husûmetlerden, mutâlebât ve eymândan ve husûsan hukūk-ı zevciyete müte‘allik da‘vâlardan ibrâ-i âmm-ı kātı‘u’n-nizâ‘ ve câsimen li-mâddeti’ş-şikāk ile ibrâ etti. Cerâ zâlike ve hurrire fi’l-yevmi’r-râbi‘ min-Cumâdelû[lâ] li-sene ihdâ ve selâsin ve elf. Şuhûdü’l-hâl: İbrahim Efendi el-imâm bi’l-mahalleti’l-mezbûre, Mehmed b. Mustafa odabaşı, Mehmed b. Abdullah, Mustafa b. Abdullah, Hasan b. Abdullah peremeci