Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 122 Hüküm no: 172 Orijinal metin no: [70-2; Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Ali’nin Hasan b. Hüseyin’den muhâlaa ile boşandığı Havâss-ı Kostantıniyye el-mahmiye tevâbi‘inden Hasköy mahallâtından Pîrî Paşa mahallesinde sâkine olan Fâtıma bt. Ali nâm hatun meclis-i şer‘-i şerîfde zevci bâ’is-i hâze’l-kitâb mahalle-i mezbûrede sâkin olan Hasan b. Hüseyin nâm kimesneden muhâla‘a oldukda ol dahi üzerine nikâh akd edilmiş olan mikdârı râyic fi’l-vakt bin dirhem-i Osmânî akçe olan mehr-i müecceli ve devam ettiği müddet için nafaka-i iddeti ve hakkındaki sâir de‘âvâ üzerine muhâla‘a-i sahîha-i şer‘iye ile muhâla‘a olup akd-i cedîd ve sayılı sadâk-ı müste’nef olmaksızın helâl olmayacak şekilde ondan bâyinen boşanmış oldu. Daha sonra her biri diğerinin zimmetini umûmen bütün da‘vâ ve husûmâttan, mutâlebât ve eymândan ve husûsan hukūk-ı zevciyete müte‘allik da‘vâlardan ibrâ-i âmm-ı kātı‘u’n-nizâ‘ ve râfi‘ün li’l-husûmet ile ibrâ etti. Cerâ zâlike fi’l-yevmi’s-sânî ve’l-ışrîn min-Cumâdelûlâ fi’t-târîhi’l-mezbûr. Şuhûdü’l-hâl: İbrahim Efendi b. el-merhûm Bâlî Efendi el-imâm, Fahrü’l-akrân Mustafa Bey [b.] Hasan el-Cündî, Hasan Beşe b. Mehmed er-râcil, Ahmed b. Hasan el-Cündî, Ahmed b. Mustafa, İsa b. Mustafa, Hüseyin b. Pîrî