Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 122 Hüküm no: 173 Orijinal metin no: [71-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Bey’in Ali b. Yusuf ile tasarruflarında olan müşterek ev ve arsayı taksim ederek hisselerini ayırdıkları (…) Hasköy mahallâtından (…) olup Muşmula demekle ma‘rûf (…) yine mahalle-i merkūmede sâkin işbu bâ‘isü’l-kitâb Ali b. Yusuf mahzarında bi-tav‘ihiikrâr ve i‘tirâf edüp târih-i kitâbdan mukaddem mezbûr Ali ile mahalle-i mezbûrede vâki‘ alâ-tarîkı’s-seviye iştirâken mutasarrıf olduğumuz mülk evleri ve (…) el-hâletü hâzihî zeyl-i kitâbda isimleri mastûr olan (…) ile kıbel-i şer‘den üzerine varılıp keşf ve tah[mîn] (…) vech-i muharrer üzre mutasarrıf olduğumuz mülklerin nısf(…) ta‘yîn olunup isâbet eden mülküm ve bir taraf(…) mülkü ve bir tarafı Beyzâde Mehmed Bey ile (…) efendi mülkü ile mahdûd iki (…) ve bir harâbe su kuyusu ve (…) olmak üzre ve âdet-i me’lûfe (…) mesâha olunup bennâ zirâ‘ıyla tûlen (…) zirâ‘ ve arzan kırk sekiz zirâ‘ arz-ı hâliyeyi mesfûr Ali’nin hissesine isâbet edüp ol dahi meclis-i şer‘de hüsn-i kabûl ile râzı olup ba‘de’l-yevm zikri sebk eden evlerde ve arz-ı hâliyede asla ve kat‘a alâka ve medhalim kalmadı dedikde mukırr-ı mesfûr Mehmed Bey’in ikrâr ve i‘tirâfın el-mukarru lehu’l-mezbûr Ali vicâhen ve şifâhen tasdîk ve tahkīk edicek mâ hüve’l-vâki‘ gıbbe’t-taleb ketb olundu. Tahrîren fî-evâil-i Cumâdelâhire li-sene ihdâ ve selâsîn ve elf. Şuhûdü’l-hâl: Hüseyin Halîfe b. Abdullah el-imâm fi’l-mahalleti’l-mezbûre, Mehmed b. Haydar el-müezzin, Mustafa b. Mehmed, el-Hâc Süleyman b. Ramazan, Yusuf b. Abdullah, Hasan b. Abdullah, Mustafa b. Şaban, Mustafa b. Seydi, Ahmed b. Hasan el-Cündî, Feridun Bey b. Abdullah el-Cündî, el-Hâc Hüseyin b. Abdullah el-Hallâk ve gayruhum mine’l-huzzâr