.:: İstanbul Kadı Sicilleri ::.


Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 335
Hüküm no: 461
Orijinal metin no: [254-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


İsak v. Benefşe’den ödünç alınan paranın yüz otuz altı gün sonra ödeneceği

Havâss-ı aliyye kazâsı muzâfâtından Hasköy’de sâkin Ermeni tâ’ifesinden Canik ve Manik veledey Anberkeşân ve Hayem v. Manik nâm Ermeniler meclis-i şer‘-i hatîr-i lâzımü’t-tevkīrde işbu bâ‘is-i hâze’s-sifr İsak v. Benefşe nâm Yahudi mahzarında bi’t-tav‘i’s-sâf ikrâr ve takrîr-i kelâm eyleyip mezbûr İsak’dan yüz yetmiş riyâlî guruş istikrâz eyleyip edâsını târih-i kitâbdan yüz otuz altı gün tamâmına değin müeccel eyledik, yüz otuz altı gün tamâmında zimmetimizde vâcibü’l-edâ ve lâzımü’l-kazâ deynimizdir dediklerinden sonra karye-i mezkûre sükkânından Zümrüd v. Avedik nâm Ermeni meblağ-ı mezbûrun edâsına kefîl bi’l-mâl olmağın vâki‘u’l-hâl hıfzan li’l-makāl ketb olundu. Tahrîren fi’l-yevmi’s-sâmin aşer min şehri Rebî‘ilevvel sene ihdâ ve hamsîn ve elf.


Şuhûdü’l-hâl: El-Hâc Ramazan b. Mahmud, Fazlı b. Mehmed, Mustafa b. Abdullah, Ali b. Abdullah, Nikola v. Andiye, Bâli v. Serik, Serkis v. Anaves