.:: İstanbul Kadı Sicilleri ::.


Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 338
Hüküm no: 468
Orijinal metin no: [257-3, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Fâtıma bt. Şaban’ın zevci Ali b. Mustafa’dan muhâlaa ile boşandığı

Hazret-i Ebâ Eyyûb el-Ensârî -aleyhi rahmetü Rabbihi’l-Bârî- tevâbi‘inden Hasköy mahallâtından el-Hâc Şaban mahallesinde sâkine Fâtıma bt. Şaban nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci Ali b. Mustafa ile muhâla‘a oldukda ol dahi nikâhlarında ma‘kūdun aleyh olan mikdârı ve nisâbı râyic fi’l-vakt beş yüz akçe fıddî olan mehr-i müecceli ve iddet hâli üzre olduğu süre için olan nafaka-i iddeti ve me’ûnet-i süknâsı mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini hukūk-ı zevciyyete müte‘allik de‘âvîden ibrâ-i âmm-ı kātı‘ü’n-nizâ‘ ve râfi‘ün li’ş-şikāk ile ibrâ ettiler. Cerâ zâlike ve hurrire fî evâsıtı şehri Rebî‘ılâhir sene ihdâ hamsîn ve elf. [Şuhûdü’l-hâl: ( )]