|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 342 Hüküm no: 476 Orijinal metin no: [261-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Fâtıma Hâtun bt. Mehmed Vakfı mütevellîsi Ali Efendi’nin Mihal v. Yani’nin borcunu yeni tedavül eden akçeden aldığı
Mahmiye-i İstanbul’da vâki‘ fahrü’l-muhadderât Fâtıma Hâtun bt. Mehmed Vakfı’na bi’l-fi‘il mütevellî olan umdetü’l-müderrisîni’l-kirâm Ali Efendi b. Yusuf nâm kimesne meclis-i şer‘-i hatîr-i lâzımü’t-tevkīrde işbu bâ‘is-i hâze’s-sifr Mihal v. Yani nâm zimmî muvâcehesinde bi’t-tav‘i’s-sâf ikrâr ve takrîr-i kelâm edip mezbûr Mihal yedinde hâlen te‘âtîsi memnû‘ olan kâsid akçeden vakf-ı mezbûr mâlından otuz bin akçe olup el-hâletü hâzihî fermân-ı hümâyûn ile cedîd akçe çıkmağın yirmi bin akçeye tebdîl olup meblağ-ı merkūm yirmi bin akçeyi tevliyetim hasebiyle mezbûr Mihal yedinden ahz u kabz eyleyip meblağ-ı merkūmdan ve murâbahasından zimmetinde bir akçe ve bir habbe kalmadı dedikde mütevellî-i merkūm Ali Efendi’nin ikrâr-ı meşrûhu merkūm Mihal talebi ile ketb olunup yed-i tâlibe vaz‘ olundu. Hurrire fî evâili Şa‘bâni’l-mu‘azzam li sene ihdâ ve hamsîn ve elf.
Şuhûdü’l-hâl: Abdülkerim Çavuş b. Hasan, Mehmed Beşe b. Hasan, Hüseyin b. Ali, Ali b. Abdullah
|