|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 342 Hüküm no: 475 Orijinal metin no: [261-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İbrahim b. Pîrî’nin boşandığı zevcesi Nâime’ye olan yedi yüz akçe mehir ve nafaka borcunu taksitle ödeyeceği
Havâss-ı aliyye kazâsına tâbi‘ Hasköy mahallâtından el-Hâc Şaban mahallesinde sâkin İbrahim b. Pîrî nâm kimesne meclis-i şer‘-i hatîr-i lâzımü’t-tevkīrde işbu bâ‘isetü’l-kitâb bundan akdem zevcesi olan Nâime bt. ( ) nâm Hâtun mahzarında bi’t-tav‘i’s-sâf ikrâr ve i‘tirâf edip mezbûre Nâime’ye mehr-i müeccelinden dört yüz akçe ve iddet nafaka-i mu‘ayyenesinden üç yüz akçe cem‘an yedi yüz akçe deynim olup dâyine-i mezkûre dahi deyn-i mezkûru târih-i kitâbdan yedi aya varınca her ayda yüz akçe vermek üzre taksît edip ben dahi taksît-i mezkûru kabûl edip deyn-i mezkûr tamâm olunca her ayda mezbûre Nâime’ye yüz akçe vermek üzre ta‘ahhüd eyledim dedikde, medyûn-ı mezkûru ikrâr-ı meşrûhunda dâyine-i mezkûre bi’l-muvâcehe tasdîk ve nehc-i merkūm üzre taksît-i mezkûru tahkīk edicek mâ hüve’l-vâki‘ bi’t-taleb ketb olundu. Tahrîren fî evâhiri Recebi’l-ferd li sene ihdâ ve hamsîn ve elf.
Şuhûdü’l-hâl: ( )
|