.:: İstanbul Kadı Sicilleri ::.


Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 347
Hüküm no: 484
Orijinal metin no: [265-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hasköy meyhânecilerinin, dışarıdan gelen şarabın dağıtımı ile ilgili kararlarının kaydı

Havâss-ı aliyye kazâsına tâbi‘ Hasköy’de vâki‘ meyhâneci tâ’ifesinin kethüdâları Yasef v. David ve Mihal v. Yani ve Yani v. Kuraka ve ihtiyârlarından Kiryaki v. Yani ve Yorgi v. Kiryaki ve Yorgi v. Dimitri ve Dimo v. Papa ve Yorgi v. Mihal ve Atnaş v. İspolot ve Mercan v. ( ) ve Ateş v. Merik ve Manol Taraku ve sâirleri meclis-i şer‘-i hatîr-i lâzımü’t-tevkīrde her biri takrîr-i kelâm edip kadîmü’l-eyyâmdan Mahmiye-i Galata muzâfâtından Kapıdağı’na tâbi‘ Mincâniye nâm karyeden gelen hamr kethüdâmız ve ihtiyârlarımız ma‘rifetiyle beynimizde tevzî‘ olunagelmiş iken ba‘zı kimesneler varıp hafiyyeten ahz etmeleri ile san‘atımıza küllî ihtilâl vermeğin karye-i mezbûreden gelen hamr kethüdâmız ve ihtiyârlarımız ma‘rifetleri ile bey‘ olunup ve içimizden biribirimiz ma‘rifetimiz yoğiken iştirâ ederse beynimizden red ve ihrâc oluna deyû ittifâk eyledik bu takrîrimiz tahrîr ve sûreti yedimize verilmesi matlûbumuzdur dediklerinde vâki‘u’l-hâl hıfzan li’l-makāl ketb olundu. Hurrire fî evâsıtı Şevvâli’l-mükerrem li sene ihdâ ve hamsîn ve elf.


Şuhûdü’l-hâl: ( )