|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 352 Hüküm no: 492 Orijinal metin no: [269-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hatice Hâtun bt. Abdullah’ın muhtelif eşyasını Mustafa Çelebi b. Halil’e hibe ettiği
Havâss-ı aliyye kazâsına tâbi‘ Hasköy mahallâtından el-Hâc Şaban mahallesinde sâkine Hatice Hâtun bt. Abdullah meclis-i şer‘-i hatîr-i lâzımü’t-tevkīrde işbu bâ‘isü’l-kitâb Mustafa Çelebi b. Halil nâm serrâc-ı hâssa mahzarında bi’t-tav‘i’s-sâf ikrâr ve takrîr-i kelâm edip silk-i mülkünde münselik olan bir beledî döşek ve iki yorgan ve iki minder ve üç yastık ve iki tencere ve üç sahanı merkūm Mustafa Çelebi’ye hibe-i sahîha-i şer‘iyye ile hibe ve temlîk ve teslîm edip ol dahi meclis-i hibede vech-i muharrer üzre eşyâ-i mezkûreyi ittihâb ve kabûl ve kabz ve tesellüm ve temellük eyledi, ba‘de’l-yevm eşyâ-i merkūme merkūm Mustafa Çelebi’nin mülk-i mevhûbudur keyfemâ yeşâ ve yehtâr mutasarrıf olsun dedikde mukırra-i merkūmenin ikrâr-ı meşrûhasını el-mukarru lehü’l-mezbûr Mustafa Çelebi bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu.
Şuhûdü’l-hâl: ( )
|