.:: İstanbul Kadı Sicilleri ::.


Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 353
Hüküm no: 493
Orijinal metin no: [269-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Râbia bt. Hasan’ın evini el-Hâc Mustafa b. Nurullah’a bey‘ bi’l-istiğlâl yoluyla sattığı

Havâss-ı aliyye kazâsına tâbi‘ Hasköy mahallâtından Ahmed Çelebi mahallesinde sâkine Râbia bt. Hasan nâm Hâtun meclis-i şer‘-i hatîr-i lâzımü’t-tevkīrde işbu bâ‘isü’l-kitâb el-Hâc Mustafa b. Nurullah nâm kimesne mahzarında bi’t-tav‘i’s-sâf ikrâr ve takrîr-i kelâm edip mahalle-i mezbûrede vâki‘ bir tarafı Defterdâr oğlu Mahmud Çelebi mülkü ve bir tarafı Belkıs Hâtun mülkü ve bir tarafı el-Hâc Mustafa b. Nurullah mülkü ve bir tarafı tarîk-i âm ile mahdûd ve mümtâz olan mülk menzilimi cümle tevâbi‘ ve levâhıkı ile merkūm el-Hâc Mustafa’ya nakd-i râyic fi’l-vakt on bin akçeye bey‘ edip ol dahi bi-tarîki’l-istiğlâl iştirâ edip kabz-ı semen-i ma‘dûd ve teslîm-i mebî‘-i mahdûd eylediğimden sonra zikr olunan menzili ba‘de’t-tahliyeti’ş-şer‘iyye yine târih-i kitâbdan sene tamâmına değin [270] mezbûr el-Hâc Mustafa’dan bin iki yüz akçeye istîcâr eyledim ol dahi vech-i mübeyyen üzre îcâr ve teslîm eyledi dedikde gıbbe’t-tasdîki’l-vicâhî menzil-i mezbûrun derkine ve ücret-i mu‘ayyenesine zevci Ahmed Çelebi b. Mehmed nâm kimesne tarafeynden emr-i kabûlü hâviye kefâletle kefîl oldukda mâ vaka‘a bi’t-taleb ketb olundu. Tahrîren fî evâhiri Zilhicceti’ş-şerîfe li sene ihdâ ve hamsîn ve elf.


Şuhûdü’l-hâl: ( )