.:: İstanbul Kadı Sicilleri ::.


Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 354
Hüküm no: 495
Orijinal metin no: [270-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hasköy’ün 1052 senesi ihtisâb ve ihzâriyyesinin Dilaver ve Yahya’ya verildiği

Vech-i tahrîri hurûf oldur ki, kasaba-i Ebâ Eyyûb el-Ensârî’ye tâbi‘ Hasköy ve tevâbi‘i ihtisâb ve ihzâriyyesi kapıcı oğullarına mahsûs olmağın zabtına hâlen işbu hâmilü’l-hurûf Dilâver ve Yahya nâm kimesneler ber vech-i iştirâk tâlibler olup mukaddemâ zabt olunageldiği üzre bin yüz akçeye kabûl eyledikleri ecilden bin elli iki senesi Muharremi gurresinden minvâl-i meşrûh üzre merkūmân Dilâver ve Yahya’ya der-uhde olunup zabtı için yedlerine tezkire verildi mâdem ki her ay meblağ-ı mezbûr bin yüz akçeyi sâhiblerine edâ edeler zikr olunan ihtisâb ve ihzâriyye hizmetine mutasarrıflar olup kimesne mâni‘ ve dâfi‘ olmaya. Tahrîren fî târihi’l-mezbûr El-hakīr Kâtibzâde?