.:: İstanbul Kadı Sicilleri ::.


Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 356
Hüküm no: 499
Orijinal metin no: [272-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Rizo v. Apostol adlı mumcunun Hadîka-i sultâniye evkâfından borç aldığı

Havâss-ı aliyye kazâsına tâbi‘ Hasköy demekle ma‘rûf karye sükkânından olup mumcu tâ’ifesinden Rizo v. Apostol nâm zimmî meclis-i şer‘-i hatîr-i lâzımü’t-tevkīrde yine karye-i mezbûre kurbunda vâki‘ Hadîka-i sultâniye’de sâkin olan bostancıların bölükbaşısı olan Mehmed Beşe b. Ramazan nâm hâssa bostancı mahzarında ikrâr ve takrîr-i kelâm edip hadîka-i mezbûrenin evkāf-ı müteferrika mâlından zimmetimde cihet-i karz-ı şer‘îden yirmi bir bin akçe ve beynimizde ilm-i şer‘î ile ma‘lûm çuka bahâsından üç bin yüz elli akçe ki cem‘an yirmi dört bin yüz elli akçe deynim vardır, karzdan mâ‘adâsı târih-i kitâb senesi Ramazânü’l-mübârek gurresinden sene tamâmına değin müecceldir dedikden sonra yine mumcu tâ’ifesinden ( ) oğlu Hristo ve Mena v. Arakli nâm zimmîler meblağ-ı mezbûr yirmi dört bin yüz elli akçeye tarafeynden emr-i kabûlü hâviye kefâletle [kefîl] olduklarında mâ hüve’l-vâki‘ bi’t-taleb ketb olundu. Tahrîren fî târihi’l-mezbûr Ramazânü’l-mübârek sene [10]51.


Şuhûdü’l-hâl: Ali Beşe b. Ahmed er-Râcil, el-Hâc Behmen b. Abdullah, Mehmed Beşe b. Veli, Mustafa Usta b. Ali Hadîka-i sultânî, İbrahim b. Kaya, Mehmed Bey bevvâb-ı sultânî, el-Hâc Halil b. Abdünnebi, Yani v. Esterpo