.:: İstanbul Kadı Sicilleri ::.


Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 358
Hüküm no: 504
Orijinal metin no: [273-4, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Âişe bt. Hızır’ın zevci Ahmed b. Mehmed’den muhâlaa ile boşandığı

Havâss-ı aliyye tevâbi‘inden Hasköy mahallâtından Pîrî Paşa mahallesinde sâkine Âişe bt. Hızır nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde râfi‘-i hâze’l-kitâb zevci Ahmed b. Mehmed ile muhâla‘a oldukda ol dahi onunla nikâhlarında ma‘kūdun aleyh olan mikdârı ve nisâbı râyic fi’l-vakt bin iki yüz akçe fıddî olan mehr-i müecceli ve nafaka-i iddeti ve me’ûnet-i süknâsı mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini hukūk-ı zevciyyete müte‘allik cemî‘ de‘âvîden ibrâ-i âmm-ı kātı‘ü’n-nizâ‘ ve râfi‘ün li’l-husûmet ile ibrâ ettiler. Cerâ zâlike ve hurrire fi’l-yevmi’l-hâdî aşer min şehri Muharremi’l-harâm sene isneyn ve hamsîn ve elf.


Şuhûdü’l-hâl: El-Hâc Ramazan b. Mahmud, Muslu b. Veli, Mehmed b. Hasan, Musa b. Abdülfettâh, Ömer b. Yusuf, Sefer b. Ali, Hüseyin b. Ali, Şaban b. Sinan