.:: İstanbul Kadı Sicilleri ::.


Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 358
Hüküm no: 505
Orijinal metin no: [274-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mesak v. Serkis’in Mustafa Çelebi b. Abdullah’tan borç aldığı

Vilâyet-i Anadolu’da Arapgir sancağında kasaba-i Eğin mahallâtından Karlıca mahallesi sükkânından Mesak v. Serkis nâm Ermeni meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Mustafa Çelebi b. Abdullah nâm râcil? mahzarında bi-tav‘ihî ikrâr ve i‘tirâf edip mezbûr Mustafa Çelebi’de cihet-i karz-ı şer‘îden iki bin yedi yüz elli tâmmü’l-vezn ve sahîhü’l-ayâr riyâlî guruş ve târih-i kitâbdan bir sene tamâmına değin müeccel çuka bahâsından iki yüz elli guruş ki cem‘an üç bin guruş zimmetimde vâcibü’l-edâ [ve] lâzımü’l-kazâ deynimdir dedikde mukırr-ı mezbûrun ikrâr-ı meşrûhunu el-mukarru lehü’l-mezbûr Mustafa Çelebi bi’l-muvâcehe tasdîk edecek mâ hüve’l-vâki‘ gıbbe’t-taleb ketb olundu. Tahrîr[en] fi’l-yevmi’s-sâdis min şehri Saferi’l-hayr sene isneyn ve hamsîn ve elf.


Şuhûdü’l-hâl: Hasan Çelebi b. Abdullah, Mehmed Beşe eş-şehîr bi-Behzadzâde?, Osman Bey el-Cündî, Mehmed beşe el-…?, Ömer Çelebi b. Ali, Süleyman b. Emîn?, Mehmed Bey yazıcı