|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 367 Hüküm no: 521 Orijinal metin no: [281-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Vergilerini ödemeyen meyhâne kiracılarının ikâz ve tenbih edilmeleri
Havâss-ı aliyye muzâfâtından Hasköy’de vâki‘ olan meyhânelere mülkiyet üzre mutasarrıf olanlardan işbu hâmil-i hâze’l-kitâb Mihal v. Yani ve karındaşı Aristo ve Dimitri v. Haya ve Zaharya v. ( ) ve Angeli v. Mavridi ve sâirleri meclis-i şer‘-i şerîfe müste’cirleri olanlardan Dimitri v. Benaki ve Yorgi v. Mihal ve Yani v. Mavridi ve Hristo v. Yani ve Bendazi v. Keni ve Nikola v. Dimo ve Yani v. Miho nâm meyhânecileri ihzâr ve mahzarlarında takrîr ve ta‘bîr ani’l-merâm edip müste’cirûn-ı mezbûrûn hîn-i istîcârlarında eğer tekâlîf-i mîrî ve eğer sâir tekâlîfden lâzım gelen husûsun cümlesine ta‘ahhüd ve her birinin taht-ı icâresinde olup meyhânede olan hizmetkârlarının nefsine tekeffül etmişler iken hâlen cânib-i mîrîye ve sâir husûsa müte‘allik olan tekâlîfden imtinâ‘ları sebebiyle her biri ta‘cîz ve tazyîkden hâlî değillerdir suâl olunup kıbel-i şer‘-i şerîfden ta‘ahhüdleri üzre tenbîh olunmaların taleb ederiz dediklerinde gıbbe’s-suâl müste’cirûn-ı mezbûrûn cevâblarında fi’l-vâki‘ minvâl-i muharrer üzre husûs-ı mezbûra ta‘ahhüd ve hizmetkârlarımızın nefsine tekeffül etmişizdir dediklerinde ta‘ahhüdleri üzre tenbîh birle mâ vaka‘a kayd şüd. [Tahrîren] fi’t-târihi’l-mezbûr. Şuhûd[ü’l-hâl]: es-Sâbıkūn
|