|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 378 Hüküm no: 539 Orijinal metin no: [291-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mosi v. İsrail’in evini zevcesine hibe ettiği
Havâss-ı aliyye kazâsına tâbi‘ Hasköy nâm kasabada Portakal cemâ‘atinden Mosi v. İsrail nâm Yahudi meclis-i şer‘-i hatîr-i lâzımü’t-tevkīrde hâlen zevcesi olan Evserohile? bt. Haron [nâm] Yahudiye mahzarında ikrâr ve takrîr-i kelâm edip kasaba-i mezbûrede vâki‘ bir tarafı merkūm Haron mülkü ve bir tarafı sâhil-i bahr ve iki tarafı tarîk-i âm ile mahdûd dört bâb fevkānî odayı ve sofayı ve sundurmayı ve tahta bendi ve bir bâb mahzeni ve matbahı ve pınarı ve muttasıl iki bâb dükkânı ve havluyu müştemil olan mülk menzilimi zevcem mezbûre Evserohile’ye? târih-i kitâbdan iki ay mukaddem hibe-i sahîha-i şer‘iyye ile hibe ve temlîk eyledim ol dahi meclis-i hibede ittihâb ve kabz eyledi hâlen mülk-i mevhûbudur keyfe mâ teşâ ve tahtâr tasarruf eylesin dedikde gıbbe’t-tasdîk vicâhen mâ hüve’l-vâki‘ bi’t-taleb ketb olundu. Tahrîren fî evâsıtı min Cumâdelâhir li sene isneyn ve hamsîn ve elf.
Şuhûdü’l-hâl: Mahmud Çelebi es-Serrâc, Kapıcı Mehmed Çelebi, el-Hâc Behmen, Mehmed Halîfe el-Müezzin, Berber Ahmed Beşe, Ali el-muhzır, Arslan Beşe ve gayruhüm
|