|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 379 Hüküm no: 542 Orijinal metin no: [293-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hidayet bt. Abdullah’ın kendisini boşayan kocası Musa b. Mehmed’den mehir, nafaka ve sâir haklarını aldığı
Havâss-ı aliyye kazâsına tâbi‘ Hasköy mahallâtından Ahmed Çelebi mahallesinde sâkine Hidâyet bt. Abdullah nâm hâtun meclis-i şer‘-i hatîr-i lâzımü’t-tevkīrde işbu bâ‘isü’l-kitâb bundan akdem zevci olan Musa b. Mehmed nâm kimesne mazharında bi’t-tav‘i’s-sâf ikrâr ve takrîr-i kelâm edip mezbûr Musa beni tatlîk edip mehr-i müeccelim kâsid akçe zamânında beş yüz olup meblağ-ı mezbûr beş yüz akçenin altından kıymet-i şer‘iyyesi üç yüz yirmi akçeyi ve iddet nafaka-i mu‘ayyenemi mezbûr Musa yedinden bi’t-tamâm ve’l-kemâl ahz u kabz edip zevciyyete müte‘allik olan cemî‘ de‘âvî ve mutâ[le]bâtdan ve eymândan zimmetini ibrâ-i âm ile ibrâ ve ıskāt-ı tâm ile ıskāt eyledim, ba‘de’l-yevm husûs-ı mezbûre müte‘allik da‘vâ benden asâleten ve vekâleten sudûr ve zuhûr ederse inde’l-hükkâm makbûle olmasın dedikde mukırra-i mezbûrenin vech-i muharrer üzre cârî olan ikrârı kayd olundu. Hurrire fi’l-yevmi’s-sânî [min] şehri Recebi’l-ferd li sene isneyn ve hamsîn ve elf.
Şuhûdü’l-hâl: Hüseyin b. Mustafa, Ahmed b. Abdullah, Ahmed b. İbrahim, Rıdvan b. Abdullah, Ali b. Abdullah el-muhzır
|