|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 380 Hüküm no: 544 Orijinal metin no: [294-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Âişe Hâtun bt. Hasan’ın zevci Mehmed Çelebi b. Hüseyin Bey’den muhâlaa ile boşandığı
Hazret-i Havâss-ı aliyye tevâbi‘inden Hasköy mahallâtından Ahmed Çelebi mahallesinde sâkine Âişe Hâtun bt. Hasan nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci Mehmed Çelebi b. Hüseyin Bey ile muhâla‘a oldukda ol dahi onunla nikâhlarında ma‘kūdun aleyh olan mikdârı ve nisâbı râyic fi’l-vakt dört bin akçe olan mehr-i müecceli ve aralarında ilm-i şer‘î ile ma‘lûme ve mukaddere olan nafaka-i iddeti mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini cemî‘ de‘âvî ve husûmâtdan umûmen ve husûsan hukūk-ı zevciyyete müte‘allik de‘âvîden ibrâ-i âmm-ı kātı‘ü’n-nizâ‘ ve râfi‘ün li mâddeti’ş-şikāk ile ibrâ ettiler. Cerâ zâlike ve hurrire fi’l-yevmi’s-sâdis aşer şehri Recebi’l-ferd min şuhûri sene isneyn ve hamsîn ba‘de’l-elf.
Şuhûdü’l-hâl: Mehmed Çelebi b. Mehmed, Receb Efendi b. Ramazan, Mehmed Efendi el-İmâm, Mehmed Halîfe el-Müezzin, Ahmed Bey b. Abdullah, Ahmed bölükbaşı b. Abdullah, Hüseyin Beşe b. Hasan, Osman b. Abdullah
|