Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 390 Hüküm no: 562 Orijinal metin no: [303-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Hüseyin’in menzil hissesini Abdi Beşe b. Mehmed’e sattığı Havâss-ı aliyye kazâsına tâbi‘ Hasköy mahallâtından Turşucu mahallesi sâkinlerinden Fâtıma bt. Hüseyin nâm hâtun meclis-i şer‘-i hatîr-i lâzımü’t-tevkīrde işbu [bâ‘is-i] hâze’l-kitâb Abdi Beşe b. Mehmed mahzarında bi’t-tav‘i’s-sâf ikrâr ve i‘tirâf edip mahalle-i mezbûr[e]de vâki‘ bir tarafı Osman Reis mülkü ve bir tarafı Hasan Beşe mülkü ve bir tarafı imâm meşrûtu? ile ve bir tarafı tarîk-i âm ile mahdûd ve mümtâz olan bir bâb beyt menzilin nısf-ı şâyi‘ini mezbûr Abdi Beşe’ye bin yüz râyic fi’l-vakt akçeye bey‘-i kat‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ol dahi vech-i mübeyyen üzre iştirâ ve teslîm eyledim ba‘de’l-yevm zikr olunan menzil merkū[m] Abdi Beşe’nin mülk-i müşterâsıdır keyfemâ yeşâ ve yehtâr mutasarrıf olsun dedikde mukırr-ı merkūmun ikrâr-ı meşrûhu[nu] el-mukarru lehü’l-mezbûr Abdi Beşe bi’l-muvâcehe tasdîk ve bi’l-müşâfehe tahkīk edicek kayd-ı sicil olundu. el-Vâki‘ fî evâili Zilhicceti’ş-şerîfe [li] sene isneyn ve hamsîn ve elf. Şuhûdü’l-hâl: Mehmed b. Haydar, Muslu b. Veli, Mehmed b. Keyvan, Ali b. Abdullah, Murad b. Abdullah