Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 390 Hüküm no: 563 Orijinal metin no: [303-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kiremitçi Bâli ile Serkis’in ortaklıktan ayrıldıkları Havâss-ı aliyye kazâsına tâbi‘ Hasköy sükkânından kiremitçiler cemâ‘atinden Bâli v. Emerik nâm zimmî meclis-i şer‘-i hatîr-i lâzımü’t-tevkīrde işbu râfi‘ü’l-kitâb Serkis nâm zimmî mahzarında takrîr-i kelâm ve ta‘bîr ani’l-merâm kılıp sekiz bin akçelik turâb iştirâ eyledik idi, iştirâken kiremit kesmek için, lâkin mâbeynimizde münâza‘ât-ı kesîre vâkı‘a olmağın el-hâletü hâzihî beynimize muslihûn tavassut etmeğin turâbı nısfiyet üzre ahz u kabz eyleyip husûs-ı mezbûre müte‘allik da‘vâm yokdur dedikde mukırr-ı merkūmenin ikrâr-ı meşrûhunu el-mukarru lehü’l-mezbûr Bâli bi’l-muvâcehe tasdîk [ve bi’l-müşâfehe] tahkīk edicek [304] alâ mâ hüve’l-vâki‘ bi’t-taleb ketb olundu. Tahrîren fî evâsıtı Zilhicceti’ş-şerîfe li sene isneyn ve hamsîn ve elf. Şuhûdü’l-hâl: Musa b. Mehmed, Ali b. Abdullah, Ahmed b. Mahmud