Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 392 Hüküm no: 566 Orijinal metin no: [305-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Boşanma kaydı (…) b. ? Halil nâm kimesne (...) zevci Şaban ile dört yüz akçe mehr-i müeccelimden ve nafaka-i iddetimden ve zevciyyete müte‘allik olan da‘vâ ve mutâlebât ve muhâsamâtdan fâriğa olmak üzre (…) [muhâla‘a eyleyip] min ba‘d ol benden ve ben andan kat‘-ı alâka ve terk-i nizâ‘ eyledik dediğinde mezbûr Şaban dahi vech-i meşrûh üzre ben dahi tatlîk eyledim dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Tahrîren fî evâhiri Zilhicceti’[ş-]şerîfe sene isneteyn ve hamsîn ve elf. Şuhûdü’l-hâl: Mehmed Efendi el-Hatîb, Mehmed Efendi b. Hızır el-Müderris, Yunus b. Receb, Ahmed b. Süveydî, Ahmed b. Sefer