Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 396 Hüküm no: 575 Orijinal metin no: [308-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmail b. Receb ve zevcesi Beşe bt. Çalabverdi’nin muhâlaa ile boşandıkları Oldur ki merhûm Piyalî Paşa sâkinlerinden İsmail b. Receb nâm kimesne mahfil-i kazâda Ahmed Çelebi mahallesinde sâkine Beşe bt. Çalabverdi nâm hâtun mahzarında takrîr-i kelâm edip mezbûre zevcem Beşe bt. Çalabverdi nâm hâtuna mehr-i müeccelden iki yüz akçe ve nafaka-i iddetden iki yüz akçe cem‘an dört yüz akçeyi bi’t-tamâm verdim haklaştım, zevciyyete müte‘allik benimle olan cemî‘ da‘vâsından ferâğat edip hul‘ edip ve biribirimiz zimmetini dahi husûs-ı mezbûre müte‘allik cemî‘ da‘vâ ve nizâ‘dan ibrâ ve ıskāt edip mezbûre Beşe dahi bi’l-muvâcehe vech-i meşrûh üzre olan hul‘u kabûl ettim dedikde mâ hüve’l-vâki‘ gıbbe’t-taleb kayd olundu. Tahrîren fî evâhiri Zilhicceti’ş-şerîfe sene ihdâ ve ışrîn ve elf. Şuhûdü’l-hâl: Bekir Çelebi er-Râcil, Deli Osman b. Nebi, İbrahim el-muhzır Mübâşeretü’l-abdi’l-fakīr Yahya b. Abdullah el-mevlâ hilâfeten bi-Hasköy -afallâhu te‘âlâ anhü ve ani’l-müslimîn ecma‘în-. (Mühür)