Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 46 Hüküm no: 12 Orijinal metin no: [10-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Serkis v. Harib’den köle satın aldığı iddiasıyla harac talebinin reddi Mahmiye-i İstanbul’da Kumkapı dâhilinde Süleyman Ağa mahallesi sâkinlerinden zimmî tâifesinin câriye ve abdleri harâcının cem‘ine me’mûr olan Mehmed Beşe b. Abdullah ve Ömer Çelebi b. İsmail nâm kimesneler mahfil-i kazâda râfi‘ü’s-sifr Serkis v. Harib nâm Ermeni muvâcehesinde her biri üzerine da‘vâ ve takrîr-i kelâm edip mersûm Serkis bundan akdem Yuvan nâmında bir abd-i memlûk iştirâ etmeğin işbu bin seksen dört senesine mahsûb olmak üzre mersû[m] Yuvan’ın harâcın taleb eylediğimizde edâdan imtinâ‘ eder suâl olunup alıverilmesi matlûbumuzdur dediklerinde gıbbe’s-suâl mersûm Serkis cevâbında benden ancak Kamaniçe kal‘ası’ndan bâ-fermân-ı âlî ıtlâk olunan Ermeni re‘âyâsının evlâdlarından Mardos nâmında üç aylık bir veled-i sagīri kendi malımdan hasbî infâk ve iksâ ederim deyû cevâb verilip Yuvan nâmında abd-i memlûk iştirâ eylediğini münkir olıcak müdde‘iyân-ı mezbûrândan da‘vâlarını mübeyyine beyyine taleb olundukda ityân-ı beyyineden izhâr[-ı acz] etmeleriyle mersûm Serkis’e Yuvan nâmında bir abd-i memlûk iştirâ eylemediğine yemîn teklîf olundukda ol dahi alâ vefki’l-mes’ûl [11] yemîn billâhillezî enzele’l-İncîle alâ İsa -aleyhi’s-selâm- etmeğin mezbûr Mehmed Beşe ve Ömer Çelebi mersûm Serkis ile bî-vech mu‘ârazadan men‘ birle mâ vaka‘a bi’t-taleb ketb olundu. Hurrire fi’l-yevmi’s-sâmin min Zilka‘deti’ş-şerîfe li sene hamsîn ve semânîn ve elf. Şuhûdü’l-hâl: Ahmed Efendi b. İsa, Ali Bey b. ( ) el-Muhtesib, İbrahim Çelebi b. Dilâver, Mahmud Çelebi b. Mehmed ve gayruhüm