Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 54 Hüküm no: 23 Orijinal metin no: [19-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasköy’ün 1085 ve 1086 yılları ihtisâb ve ihzâriyyesinin Ali Bey’e verildiği Vech-i tahrîr-i hurûf budur ki Hasköy kazâsının ihtisâb ve ihzâriyyesi kapıcıoğullarına mahsûs olup vekâletimiz hasebiyle işbu sâhibü’t-temessük Ali Bey’e bin seksen beş senesi mâh-ı Zilhiccesi’nin ibtidâsından mâh-be-mâh bin sekiz yüz akçe izzetlü ve sa‘âdetlü kapıcılar kethüdâsı vekîli olan Mehmed Ağa’ya teslîm eylemek üzre der-uhde olunmuşdur kazâ-yı mezbûrun ihtisâb [ve] ihzâriyyesin olageldiği üzre zabt ve tasarruf eyleyip mâdemki beher mâh ta‘yîn olunan bin sekiz yüz akçeyi edâ ve teslîm eyleye taraf-ı âhardan kimesne müdâhale eylemeye. Tahrîren fî gurreti Zilhicce sene 1085. Taraf-ı âlîden bin seksen altı Muharremi gurresinden olmak üzre zabt ve tasarruf eylemek için mektûb irsâl olunup sene-i mezbûre gurresinden zabt ve tasarruf eyleye. El-Fakīr Mehmed Kâtib-i bevvâbân-ı Dergâh-ı âlî.