Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 68 Hüküm no: 44 Orijinal metin no: [30-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bolu reâyâsından Hasköy’e gelerek yerleşenlerin de memleketlerine gönderilmesi hakkında buyruldu Fazîletlü Hâslar efendisi hazretleri, Hâliyâ Bolu sancağında vâki‘ kadılıkların ekser re‘âyâsı perâkende ve perîşân olup ba‘zıları gelip Hâslar kazâsında sâkin olup vilâyetleri hâlî kalmağla zikr olunan kazâlara rikâb-ı hümâyûn tarafından muharrir ta‘yîn ve müceddeden tahrîr olunmak fermân olmağla zikr olunan kadılıklar re‘âyâsından olup Hâslar kazâsında sâkin olanlar bulundukları yerlerde hâne-i avârıza tahrîr ve kayd olunmayanlar kaldırılıp kadîmî yerlerine nakl ve iskân ettirilip inâd ve muhâlefet edenlerin muhkem haklarından gelinir deyû fermân-ı âlî vârid olmağın imdi mûcebince cümle mahallât imâmlarına tenbîh-i ekîd edip münâdîler nidâ ettirdesiz ki livâ-i mezbûr kadılıklarından olup gelip Hâslar kazâsında sâkin olup bulundukları yerlerde hâne-i avârıza tahrîr ve kayd olunmayanların kalkıp kadîmî yerlerine gidip sâkin olalar her kim inâd ve muhâlefet ederse haklarından gelinir deyû nidâ ve tenbîh ettirdesiz deyû buyruldu. 24 Ca [Cemâziyelevvel] sene 1086.