Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 78 Hüküm no: 66 Orijinal metin no: [40-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Abdullah’ın Safiye bt. Yuvan adlı Rus asıllı câriyesini azat ettiği Kasaba-i Hasköy’de vâki‘ kasaba-i Beşiktaş’da sâkin Süleyman b. Abdullah nâm kimesne meclis-i şer‘[de] hâfız-ı hâze’l-kitâb işbu açık kaşlı orta boylu alâ gözlü sarışın Rûsiyy[et]ü’l-asl olan Safiye v. Yuvan nâm câriyesi mahzarında ikrâr ve takrîr-i kelâm edip mezbûre Safiye’yi hasbeten lillâhi te‘âlâ ve taleben li-rızâ-i Rabbihi’l-a‘lâ tahrîr ve i‘tâk ve silk-i ahrâr-ı asliyyeye idhâl [ve] ilhâk eyledim ba‘de’l-yevm [hakk-ı] velâdan [gayrı] hakkım kalmadı dedikde mukırr-ı mezbûrun mevsûf-ı mezbûre muvâcehesinde lisânından sudûr eden ikrârın mevsûf-ı mezbûre talebi ile gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Ve’l-yevm ahade aşer hüve’l-vâki‘ bi’t-taleb ketb olundu. Tahrîren fi’l-yevm ahade aşer [min] Recebi’l-mürecceb sene sitte ve semânîn ve elf. [41] Şuhûdü’l-hâl: Receb Beşe b. Nasuh, Mehmed b. Ahmed, Mehmed b. Ali, Abbas b. Abdülkādir, Mehmed Çelebi b. Ali ve Mustafa b. Süleyman ve Ali Bey? b. Abdullah ve gayruhüm mine’l-huzzâr