Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 93 Hüküm no: 91 Orijinal metin no: [55-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud b. Mehmed’in Âişe bt. Abdullah’tan alacağı olduğu iddiasını ispat edemediği Acem tüccârı tâifesinden Mahmud b. Mehmed nâm kimesne meclis-i şer‘-i şerîfde işbu râfi‘atü’l-vesîka Âişe bt. Abdullah [nâm] mühtediye muvâcehesinde üzerine da‘vâ ve takrîr-i kelâm edip mezbûre Âişe zimmetinde beynimizde ma‘lûm emti‘a-i mütenevvi‘a bahâsından otuz dört guruş hakkım olup meblağ-ı mersûmdan mukaddemâ dokuz guruşunu ahz ü kabz edip bâkī zimmetinde yirmi beş guruş hakkım kalmağın taleb eylediğimde teslîminden imtinâ‘ eder suâl olunup alıverilmesi murâdımdır dedikde gıbbe’s-suâl ve akībe’l-inkâr müdde‘î-i mezbûrdan da‘vâsına mutâbık beyyine taleb olundukda ityân-ı beyyineden bi’l-külliye âciz olup istihlâf taleb etmeğin mezbûr[e] Âişe fi’l-vâkı‘a müdde‘î-i mezkûra zikr olunan emti‘a-i mütenevvi‘a bahâsından zimmetinde otuz dört guruş deyni olup meblağ-ı mersûmdan ba‘dehû dokuz guruşunu kendiye def‘ ve teslîm etmediğine ve bâkī yirmi beş guruşu dahi zimmetinde lâzımü’l-edâ deyni olmadığına yemîn teklîf olundukda ol dahi yemîn billâhi’l-azîm etmeğin mûcebiyle mezbûr bî-vech mu‘ârazadan [men‘ olundu]. Fî 21 Rebî‘ilevvel sene [10]89. Şuhûdü’l-hâl: Mehmed Çelebi, Ali Çelebi, Dilâver Bey