Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 101 Hüküm no: 106 Orijinal metin no: [61-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Hasan’ın zevci Gâzi Bey b. Abdullah ile muhâlaa ile boşandıkları Havâss-ı Aliyye kazâsına tâbi‘ Hasköy’de Kiremitçi Ahmed Çelebi mahallesinde sâkine Fâtıma bt. Hasan zevc-i muhâlı‘ı işbu bâ‘isü’l-kitâb Gāzi Bey b. Abdullah mahzarında bi’t-tav‘i’s-sâf ikrâr ve i‘tirâf edip zevcim mezbûr ile hüsn-i zindegânemiz olmamağla târih-i kitâb günü zimmetinde mütekarrir ve ma‘kūdun aleyh olan dört yüz akçe mehr-i müeccelim ve nafaka-i iddetimden ve me’ûnet-i süknâm dahi kendi üzerime olmak üzre muhâla‘a-i sahîha-i şer‘iyye ile muhâla‘a edip ol dahi vech-i meşrûh üzre hul‘-ı mezbûru kabûl edip zevciyyete ve gayra müte‘allika da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’r-râbi‘ aşer min Cumâdelûlâ li sene tis‘în ve semânîn ve elf. Şuhûdü’l-hâl: Mustafa Halîfe b. Mehmed, İbrahim b. Dilâver, Ali b. Dilâver ve gayruhüm?